الموضوع: كلام فاضى ؛ كلام كوميدى ...!

حاولت اليوم دفع قلمى ليكتب عن نصر أكتوبر ،
ولكنه أبَى إلا أن يكتب هذا الكلام ، أو ينتحر ..
***
**
*
*
*

كلام فاضى ؛ كلام كوميدى ...!!
***
من تأليف
**
الطبيب الشاعر / د. محمد رزق
*
*
*

تعالوا نقول كلام فاضِى
كلام يمكِن مالوش لازمة
نِـسَـلـِّى وَقـتِـنا الفاضِى
نِـفـوت الغـُلب والأزمَـة
ونِـكتِـب كِـلمِـتين كوميدِى
ونِـربُـط بـيهُـم الحِـزمَـة
ونِـوصِـف واحـدَة مَـليانـَـة
بـِتِـصرُخ تـَحتـَها الجَـزمَـة
***
وواحِـد ماشِـى مِـتعَـنـتـَظ
ولابـِس بَـدلـَة شِـيك خالِـص
وفاتِـت جَـنبـُه عَـرَبـٍيَّـة
بـِسُـرعَـة ، ف لـَحظـَة كان لايـِص
عَـشان الطـِّين مَـلا البَـدلـَة
وِرَشـُّه عَـليه وَلـَد مايـِص
ويـِمكِـن مامعاهوش رُخصَـة
ووالدُه مِليونِـير هايص
***
وِسِـت كبـيرَة تِـتكَعـبـِل
فى بـِير بَلاَّعَـة مَفتوحَـة
ورقـَّاصَة بـِتِـستـَهبـِل
يقولوا عليها بَـحبوحَـة
وتِـرقـُص وِسـط مِيت راجـِل
وسايبَـة الجـيـبَـة مَـشلوحَـة
وتِـلبـِس م الجواهِـر كوم
هَـدايا الرقص مَـسموحَـة
***
عشان الكُلِّ بـِيـرَيـِّـل
ويحـدِف تـَحتـَها الألوفات
وهىَّ بـخِـفـَّة بـِتـمَـيِّـل
تِـبَـيِّـن حَـبَّـة م الخـَيرات
عجوز يرجَـع أوام عَـيِّـل
ويـِتمايـِل علـَى النـَّـغـَمات
ويشرَب ويـسكِى أو فـودكا
ويـِتـنـَطـَط فى وِسط بَـنات
***
وشاب بـِيـِطلـَع المَـدنـَة
ويـِندَه : ياللى نايـِم قوم
خـَلاص الصُّـبح هَـيشـَقشـَق
صَلاة الفـَجر خِـير م النوم
مِـقاوِل غـَش فى الوَصفـَة ؛
موَظـَّف يـطلـُب المَـعلوم ..!
وكيلو القوطـَة فى البورصَـة
يزَوِّد هَـم ع المَـهـموم
***
وكيلو اللحمَـة شئ تانِـى
بعيد عن سِـكـِّة المَـحروم
وحَـتـَّى الفول كَـمان غالِـى
وكان هـوَّا الغِـذا المَـعلوم
وحِـتـِّة بَـنطـَلون واحِـد
نِجـِيـبـُه بسِـعر طـَقـم هـدوم
وشاب يـبُـص لِـصحابُـه
ويتـألـِّم بصوت مَـكتـوم
***
وأب ف وِسط أحبـابُـه
وَحـيد يـتمَـنـَّى لـَمِّـتهُـم
يـدَخـَّل إيـدُه فى جـرابُـه
وتِـطلـَع فاضية ؛ خـَمَّـتـهُـم !!
وكان حِـلمُـه ف يوم يقـدَر
يـجيـب نِـجمِـة سَـما لبـيـتـهُـم
ولـَكِن حَـظـُّه يـبقـَى فـَقـير
غـَريـب خـَسران مَـحَـبِّـتـهُـم
***
حاجات بـِتـمُـر ع الخاطِـر
كتـير بـِنشـوف حاجات مِـن دِى
ومِن كـُتر الأسَـى نِـضحَـك ؛
نِـقـول أيَّـام وحَ تـعَـدِّى
ويـبقـَى القـَهـر ضِـحكِـتـنا
وبَـسـمِـة عُـمـرِنا الوَردِى
قولولِـى الحَـق ، مِـش تِـنـفـَع ؟!
مشاهِـد نـَص م الكومـيدِى ؟!!!
***

مع خالص محبتى واحترامى للجميع
الطبيب الشاعر / د. محمد رزق
*
القاهرة فى يوم
6 أكتوبر 2010
*****

المشاركة الأصلية كتبت بواسطة الطبيب الشاعر

حاولت اليوم دفع قلمى ليكتب عن نصر أكتوبر ،
ولكنه أبَى إلا أن يكتب هذا الكلام ، أو ينتحر ..
***
**
*
*
*

كلام فاضى ؛ كلام كوميدى ...!!
***
من تأليف
**
الطبيب الشاعر / د. محمد رزق
*
*
*

تعالوا نقول كلام فاضِى
كلام يمكِن مالوش لازمة
نِـسَـلـِّى وَقـتِـنا الفاضِى
نِـفـوت الغـُلب والأزمَـة
ونِـكتِـب كِـلمِـتين كوميدِى
ونِـربُـط بـيهُـم الحِـزمَـة
ونِـوصِـف واحـدَة مَـليانـَـة
بـِتِـصرُخ تـَحتـَها الجَـزمَـة
***
وواحِـد ماشِـى مِـتعَـنـتـَظ
ولابـِس بَـدلـَة شِـيك خالِـص
وفاتِـت جَـنبـُه عَـرَبـٍيَّـة
بـِسُـرعَـة ، ف لـَحظـَة كان لايـِص
عَـشان الطـِّين مَـلا البَـدلـَة
وِرَشـُّه عَـليه وَلـَد مايـِص
ويـِمكِـن مامعاهوش رُخصَـة
ووالدُه مِليونِـير هايص
***
وِسِـت كبـيرَة تِـتكَعـبـِل
فى بـِير بَلاَّعَـة مَفتوحَـة
ورقـَّاصَة بـِتِـستـَهبـِل
يقولوا عليها بَـحبوحَـة
وتِـرقـُص وِسـط مِيت راجـِل
وسايبَـة الجـيـبَـة مَـشلوحَـة
وتِـلبـِس م الجواهِـر كوم
هَـدايا الرقص مَـسموحَـة
***
عشان الكُلِّ بـِيـرَيـِّـل
ويحـدِف تـَحتـَها الألوفات
وهىَّ بـخِـفـَّة بـِتـمَـيِّـل
تِـبَـيِّـن حَـبَّـة م الخـَيرات
عجوز يرجَـع أوام عَـيِّـل
ويـِتمايـِل علـَى النـَّـغـَمات
ويشرَب ويـسكِى أو فـودكا
ويـِتـنـَطـَط فى وِسط بَـنات
***
وشاب بـِيـِطلـَع المَـدنـَة
ويـِندَه : ياللى نايـِم قوم
خـَلاص الصُّـبح هَـيشـَقشـَق
صَلاة الفـَجر خِـير م النوم
مِـقاوِل غـَش فى الوَصفـَة ؛
موَظـَّف يـطلـُب المَـعلوم ..!
وكيلو القوطـَة فى البورصَـة
يزَوِّد هَـم ع المَـهـموم
***
وكيلو اللحمَـة شئ تانِـى
بعيد عن سِـكـِّة المَـحروم
وحَـتـَّى الفول كَـمان غالِـى
وكان هـوَّا الغِـذا المَـعلوم
وحِـتـِّة بَـنطـَلون واحِـد
نِجـِيـبـُه بسِـعر طـَقـم هـدوم
وشاب يـبُـص لِـصحابُـه
ويتـألـِّم بصوت مَـكتـوم
***
وأب ف وِسط أحبـابُـه
وَحـيد يـتمَـنـَّى لـَمِّـتهُـم
يـدَخـَّل إيـدُه فى جـرابُـه
وتِـطلـَع فاضية ؛ خـَمَّـتـهُـم !!
وكان حِـلمُـه ف يوم يقـدَر
يـجيـب نِـجمِـة سَـما لبـيـتـهُـم
ولـَكِن حَـظـُّه يـبقـَى فـَقـير
غـَريـب خـَسران مَـحَـبِّـتـهُـم
***
حاجات بـِتـمُـر ع الخاطِـر
كتـير بـِنشـوف حاجات مِـن دِى
ومِن كـُتر الأسَـى نِـضحَـك ؛
نِـقـول أيَّـام وحَ تـعَـدِّى
ويـبقـَى القـَهـر ضِـحكِـتـنا
وبَـسـمِـة عُـمـرِنا الوَردِى
قولولِـى الحَـق ، مِـش تِـنـفـَع ؟!
مشاهِـد نـَص م الكومـيدِى ؟!!!
***

مع خالص محبتى واحترامى للجميع
الطبيب الشاعر / د. محمد رزق
*
القاهرة فى يوم
6 أكتوبر 2010
*****

كلام مليان ماهُوش فاضــــــــي
يفكـَّرنا .. يورينــــــــــــــــــــ ـا
سلوكيَّات بقِت عـــــــــــــــادي
مع الأيام سِمَــــه فينــــــــــــــا
ساعات بنشوفها في النـــــــادي
وفي الشارع , وف جنينـــــــه
في كل مكان علـــــــــى بلادي
وفي الطياره والمينـــــــــــــا
وجيت انت وبتنـــــــــــادي
بأزجالك تصحينـــــــــــــــــا
تقــــــــــول فوقوا يا أولادي
وحطوا إديكوا ف إدينــــــــا
نرَّجع تاني م الماضـــــــــي
دروس رمضان وأكتوبــــــر
ـــــــــــــــــ
وكل سنه وانت طيب أخي الشاعر الكبير الدكتور محمد رزق ودايما تشجينا بأزجالك وأشعارك الهادفه الجميلة
مع خالص تحيتي ومحبتي

عمره ما كان كلام فاضِى
كلام موزن وله لازمة
حياة عايشنها ع الفاضِى
ندوس ع الأرض بالجزمة
ونِـوصِـف مجدنا الماضى
بكلام فاضى وكلام كوميدى
وننسى الورطة والأزمة !

قولولِـى الحَـق ، مِـش تِـنـفـَع ؟!
مشاهِـد نـَص م الكومـيدِى ؟!!!
إنها الكوميديا السوداء
يا أخى الكبير
وهل يستطيع أحد تغيير الواقع ؟
..
أخى العزيز الطبيب الشاعر
أشكرك على هذا النص الحزين
واتمنى لك الخير والتوفيق
ود واحترام

ماشاء الله يا استاذنا
عمر كلامك ماكان له لازمة .. عمر كلامك ماكان فاضي
كلامك دايما في الصميم وعارف طريقه بين قلوبنا وعقولنا
أضحك الله سنك ودايما بانتظار الجديد والجميل منك
بارك الله فيك ودمتم بخير

كلمات جميله وانا اقرا بين سطورها
وجدت ما يعنى الكثير
ابدلاع وتميز دائما يلامس كلماتك العاميه الرائعه
د. محمد دوما رائع
فلا تحرمنا من جديد الرائع
تحياتى الغاليه ..

كلمات جميله وانا اقرا بين سطورها
وجدت ما يعنى الكثير
الابداع وتميز دائما يلامس كلماتك العاميه الرائعه
د. محمد دوما رائع
فلا تحرمنا من جديد الرائع
تحياتى الغاليه ..

حاجات بـِتـمُـر ع الخاطِـر
كتـير بـِنشـوف حاجات مِـن دِى
ومِن كـُتر الأسَـى نِـضحَـك ؛
نِـقـول أيَّـام وحَ تـعَـدِّى
ويـبقـَى القـَهـر ضِـحكِـتـنا
وبَـسـمِـة عُـمـرِنا الوَردِى
قولولِـى الحَـق ، مِـش تِـنـفـَع ؟!
ومين يقدر يقول لأ
يبقى الحمار أرقى
لما نقول الحق ونهلل
كلامك يادكتور يفرح
هل سمعت من بدرى
أيام الجمل والطوف
مريض رايح للدكتور
يقول أنا أتعالج من الأفكار
ولا السمنه يابطنى
ولا الأرداف ما بتحملنى
أيام الخير فى بلدى
صارت للمعروف تنكر
وكله للبحار يركب
لاهمه يموت فى الغربة
وكل السبب شله
ناصبه القاعده وتهلب
يقولوا البلد تخرب!
من يوم فرعون ماتفرعن
واتجمل فى الصاله الوردى
والكوافير بيحفف والرقص شاغل فكره
ناصب حبايبه علينا
والأمر السامى واصينا
يعلن فى مجلسناوتطلع من الشورى
ابنك ياحاكم حاكم وابنك الفايز خايب
ونقول أكتوبر بيهلل
كان زمان يامعلم
يادكور ليه تتكلم
قال حكايات تجننا
قال الفساد صار يتعلم
م الفراعنه يامعلم
بعنا الأرض يا اولادى
والكلب صار القاضى
لاعاد الشربات يفرحنا
أصل السكرى فى الشارقه.
ماشى هناك ورا التايهه
زغ تميم وهللنا..
أصل الحرام أرضى..
مدينتى يابنى هتك عرضى.
. كل المعرصين قامت
دم العرض يامعلم
والعالى راح يتجنن
يقول قوانينا العليا
تعلى كل الدنيا
شفت الريس الريس
قاعد للتايهه والفايحه
تعالى ياريس عزبتنا
تاخد ضرايب جاموستنا
ناسى بنت حتتنا
أولادها ياناس هتتجنن
فى السلام غرقوا
ولما جاموستها تسمم
وعند الطب تتشرح
نلاقى السرطان يامعلم
نلاقى الحزن اتجنن
نلاقى الفرح صار معدوم
لما الواد اتخرج
بعد مابعنا المعلوم
والمستور ماعاد مستور
والآخر فى المعتقل عطلان.. قالوا الستر يامعلم
ليه يابنى تتعلم
وتتعلم من الإخوان
ياما قلنا الكتَّاب أنفع
والدين ماهو بالمظهر
ولاكان بشيخ الأزهر
يابنى ربنا الهادى .
. كان ابراهيم يشفع.. فينك يابراهيم نافع تنفع
للوالد لما اترحل
وابنك يانوح راح تتألم
......دا حالنا يامصروانا متألم

مودتى وتحياتى جميل يادكتور رزق

المشاركة الأصلية كتبت بواسطة مسعد النحلة

كلام مليان ماهُوش فاضــــــــي
يفكـَّرنا .. يورينــــــــــــــــــــ ـا
سلوكيَّات بقِت عـــــــــــــــادي
مع الأيام سِمَــــه فينــــــــــــــا
ساعات بنشوفها في النـــــــادي
وفي الشارع , وف جنينـــــــه
في كل مكان علـــــــــى بلادي
وفي الطياره والمينـــــــــــــا
وجيت انت وبتنـــــــــــادي
بأزجالك تصحينـــــــــــــــــا
تقــــــــــول فوقوا يا أولادي
وحطوا إديكوا ف إدينــــــــا
نرَّجع تاني م الماضـــــــــي
دروس رمضان وأكتوبــــــر
ـــــــــــــــــ
وكل سنه وانت طيب أخي الشاعر الكبير الدكتور محمد رزق ودايما تشجينا بأزجالك وأشعارك الهادفه الجميلة
مع خالص تحيتي ومحبتي

كلام مليان على الأحزان يضحكنا
ولو إنسان بإيدُه الواحدة يفرُكنا
وزى اللعبة بالدلاديل يحرَّكنا
يمَرمَطنا فى وسط الطين ويدعكنا
يخلينا نقول الآه بعلو الصوت وبنطاطى
ولو حاولنا نهرب يوم ، بيمسِـكنا
***
كل سنة وانت وجميع أحبابك وجميع شعوب الأمة العربية والإسلامية
بخير وسعادة ونصر مبين بإذن الله تعالى ..
شكراً لك أيها الأخ الحبيب
ولاحرمنى الله تواصلك ومشاركاتك .
حبى واحترامى والورود لشخصكم الكريم
أخوكم / الطبيب الشاعر / د. محمد رزق

عشان نوصل لأفكارهم .. لازم نقول كلام فاضى
كلام فاضى وبيضحك .. كلام هادى ومش عادى
كلام فاضى وفي قضية .. وبتدّور على القاضى

***

غريب فيها ومتكدر .. وهى أصلها بلادى
نسائم رحمة والحكمة .. كانت فينا بتنادى
اقفل بقك طبل هيّس .. أو كدة قول كلام فاضى

كلامك كله جميل دكتور

والحلو فيه انه جاي فـ الجون

يوجع القلب ويخلي الحزن بالكوم

وربنا يصلح حال عباد اليوم



تسلم الايدي ويعطيك العافيه يارب

بالتوفيق الدائم يارب